Innkaup

Skref 1

  • Við íhugum vel þörfina áður en við kaupum inn t.d. hvort nýta megi betur, samnýta, fresta innkaupum eða gera við.
  • Við skiptum einungis við umhverfisvottaðar prentsmiðjur samkvæmt rammasamningi Reykjavíkurborgar.
  • Við kaupum einungis umhverfisvottaðan prentpappír samkvæmt rammasamningum Reykjavíkurborgar og þykkt pappírs sem við notum til prentunar og ljósritunar er 80 g/m2 eða minni.
  • Við kaupum raftæki sem eru í A-flokki orkumerkinga skv. orkuflokkum Evrópusambandsins.
  • Við kaupum einungis hreinlætis- og ræstivörur sem eru umhverfisvottaðar (bera umhverfismerki).
  • Við kaup á efnavöru (s.s. málningu, lím, lakk og annan efnivið) forðumst við að velja efni sem eru hættuleg umhverfinu.
  • Allir innkaupaaðilar á vinnustaðnum hafa kynnt sér vistvæn innkaup og nýtt upplýsingar af vefnum www.vinn.is, þar með talið gátlista um umhverfisvænni kosti fyrir smærri innkaup.    

Skref 2

  • Vinnustaðurinn hefur gert þarfagreiningu fyrir innkaup. Sjá má leiðbeiningar á heimasíðu Grænna skrefa.
  • Við biðjum birgja um upplýsingar um vistvæna valkosti og upplýsum þá um nauðsynleg gagnaskil vinnustaðarins fyrir grænt bókhald. (Upplýsingar um grænt bókhald eru í Miðlun og Stjórnun hér að neðan).
  • Vinnustaðurinn kaupir inn samkvæmt innkaupareglum Reykjavíkurborgar en hefur ávallt í huga umhverfisáhrif vöru og setur umhverfisskilyrði til birgja eftir högum.
  • Við kaupum einungis umhverfisvottaðar hreinlætis- og ræstivörur.
  • Þegar keypt eru skrifstofuhúsgögn eða önnur húsgögn könnum við hvort til séu notuð húsgögn áður en keypt eru ný. 
  • Við lágmörkum innkaup á smápappír eins og minnismiðum, stílabókum, skilaboðamiðum o.fl. 
  • Við innkaup á matvælum hugum við að því að lágmarka matarsóun, höfum í huga áhrif flutnings matvælanna á umhverfið og leitum leiða til að fækka umbúðum.

Skref 3

  • Við kaupum ekki vörur sem innihalda plastagnir / örplast.
  • Við kaupum ekki post-it minnismiða og notum pappír sem fellur til á vinnustaðnum í staðinn.
  • Umslög og annað bréfsefni sem við notum er umhverfismerkt.
  • Við kaup á ræstiþjónustu er valinn þjónustuaðili sem hefur umhverfisvottun.
  • Við notum hleðslurafhlöður í stað einnota rafhlaðna.
  • Við fylgjumst árlega með efnanotkun og erum með áætlun um að minnka notkun hættulegra efna.
  • Þegar unnið er að verðfyrirspurnum skal hafa umhverfisviðmið í fyrirspurnargögnum í samráði við innkaupaskrifstofu.

Skref 4

  • Við kaup á utanaðkomandi þjónustu veljum við aðila sem hafa virka umhverfisstefnu og / eða umhverfisstjórnunarkerfi.
  • Við kaupum umhverfisvottuð raftæki eða raftæki með hæstu einkunn í orkunýtingu sem í boði er hverju sinni (A+++ eða álíka).
  • Við kaupum prenthylki og tónera einungis frá seljendum með umhverfisábyrgð og endurvinnslumöguleika