Samgöngur

Skref 1

• Fyrir utan vinnustaðinn eru hjólastæði fyrir starfsmenn og gesti.
• Bílar á vegum vinnustaðarins eru ekki á nagladekkjum nema brýna nauðsyn beri til.
• Starfsfólk okkar á auðvelt með að nálgast strætómiða á vinnustaðnum vegna vinnutengdra ferða.
• Við höfum hvatt starfsfólk okkar til að nýta sér umhverfisvænni ferðamáta til og frá vinnu með því að kynna/bjóða upp á samgöngusamninga þegar fólk hefur störf.
• Vinnustaðurinn tekur þátt í átakinu Hjólað í vinnuna.

Skref 2

• Starfsfólk okkar hefur aðgang að hjólum vegna styttri vinnutengdra ferða og persónulegra erinda.
• Við höfum aðstöðu fyrir gangandi og hjólandi starfsfólk til að hengja af sér blautan fatnað.
• Við óskum ávallt eftir visthæfum bílaleigu- eða rekstrarleigubílum, samkvæmt þessum skilgreiningum um visthæfa bíla. Gerður verði samningur við rekstraraðila þar sem það er hægt.
• Við óskum ávallt eftir visthæfum leigubílum.

Skref 3

• Við höfum hvatt starfsfólk okkar til að nýta sér samakstur í og úr vinnu.
• Starfsfólk okkar hefur aðgang að rafhjóli, rafskútum (hlaupahjólum) eða öðrum vistvænum ferðamáta fyrir styttri vinnutengdar ferðir og persónuleg erindi.
• Starfsmenn samnýta ferðir á fundi, til dæmis með vistvænum leigubíl.
• Starfsfólk okkar hefur fengið kennslu eða leiðsögn í notkun rafbíls, rafhjóls og rafhlaupahjóls.

Skref 4

• Bílar vinnustaðarins notast eingöngu við rafmagn, metan eða vetni sem eldsneytisgjafa.
• Við vöktum árlega notkun á jarðefnaeldsneyti og setjum okkur áframhaldandi markmið um að draga úr notkuninni, og þ.a.l. losun koltvísýrings í andrúmsloftið.
• Við höfum vakið athygli á vistvænum samgöngumátum við okkar viðskiptavini, skjólstæðinga, gesti og aðra sem tengjast okkar starfssemi.
• Tenging fyrir rafbíla er við vinnustaðinn.